Sapne jhare phool se meet chubhe shool se
Hindi movie : Nayee Umr Ki Nayee Fasal Remix Singer : Dr K Chaudhry Album : Mere Taraane Sapne jhare phool se meet chubhe shool se Lut gaye singaar sabhi baag ke babool se Aur hum khade-khade bahaar dekhte rahe Karvan guzar gaya gubaar dekhte rahe Neend bhi khuli na thi ki hai dhoop dhal gayi, Paon jab talak uthe ki zindagi fisal gayi, Paat-paat jhar gaye ki shaakh-shaakh jal gayi, Chah to nikal saki na par umar nikal gayi. Geet ashk ban gaye sapne ho dafan gaye, Saath ke sabhi diye dhuan-dhuan pehen gaye, Aur hum jhuke-jhuke Mod par ruke-ruke, Umar ke chadhaav ka utaar dekhte rahe, Karvan guzar gaya gubaar dekhte rahe Kya shabaab tha ki phool-phool pyar kar utha, Kya kamaal tha ki dekh aina sihar utha, Is taraf zameen aur asmaan udhar utha, Thaam kar jigar utha ki jo mila nazar utha, Ek din magar yahan aisee kuchh hawa chali, Lut gayi kali-kali ki ghut gayi gali-gali, Aur hum lute-lute waqt se pite-pite, kaagazi sharaab ka khumaar dekhte rahe, Karvan guzar gaya gubaar dekhte rahe Haath the mile ki zulf chaand ki sanwaar doon, Honth the khule ki har bahaar ko pukaar doon, Dard tha diya gaya ki har dukhi ko pyar doon, Aur saand yoon ki swarg bhoomi par utaar doon, Ho saka na kuchh magar Shaam ban gayi seher, Woh uthi lehar ki dheh gaye kile bikhar-bikhar, Aur ham dare-dare Neer nayan mein bhare, Odh-kar kafan pade mazaar dekhte rahe, Karvan guzar gaya gubaar dekhte rahe Maang bhar chali ki ek jab nayi-nayi kiran, Dholke dhunuk uthi, thumuk uthe charan-charan, Shor mach gaya ki lo chali dulhan, chali dulhan, Gaaon sab umad pada, behek uthe nayan-nayan, Par tabhi zehar bhari Gaaz ek woh giri, Punchh gaya sindoor, taar-taar hui choonri, Aur ham ajaan se, Door ke makaan se, Palki kiye hue kahar dekhte rahe! Karvan guzar gaya gubaar dekhte rahe
Channel: Music
Uploaded: April 16, 2008 at 8:32 am
Author: drkchaudhry
Length: 06:41
Rating: 2.33
Views: 4814
Tags: Chaudhry chubhe fasal hindi India jhare ki meet mere nayee phool Sapne se shool taraane umr
Video Comments
|
drkchaudhry (October 7, 2008 at 2:06 am)
New Delhi. Details in my profile and website.
humanitybyhumen (October 7, 2008 at 1:34 am)
where r u from?
acesid (September 20, 2008 at 1:36 pm)
the original song is 6:42 mins long..you clocked 6:41..very close
luvsharma (September 11, 2008 at 5:52 am)
thanks...
weconverge (August 27, 2008 at 8:59 pm)
very committed! keep up your spirits. |
|
